Auka satsing på regional kunnskapsutvikling
Historisk arkiv
Publisert under: Regjeringen Brundtland III
Utgiver: Kommunal- og arbeidsdepartementet
Pressemelding | Dato: 04.10.1996 | Sist oppdatert: 21.10.2006
Pressemelding
Kommunal- og arbeidsdepartementet
Informasjonsenheten, forværelse. Tlf.: (+47) 22 34 68 21
Informasjonssjef Erling Hansen. Tlf. priv.: (+47) 66 91 26 79
Informasjonsrådgiver Anne Marit Schiong. Tlf. priv.: (+47) 22 62 19 67
Oslo, 4.10.96
Statsbudsjettet 1997 nr. 8
Auka satsing på regional kunnskapsutvikling
Regjeringa vil auke satsinga på nasjonale program for regional utvikling. Det er foreslått å auke løyvinga med 2 millionar kroner til nær 91 millionar kroner for 1997. Kunnskap og kompetanse må gjerast meir tilgjengeleg for små- og mellomstore bedrifter i distrikta, seier kommuna- og arbeidsminister Gunnar Berge.
Regjeringa ynskjer å bryte ned ulike hindringer som bremser på nyskaping og utvikling. Eit nytt nasjonalt fireårig program vil små- og mellomstore bedrifter bli stimulert til å ansette fleire arbeidstakarar med høgare utdanning. Regjeringa ynskjer også vidareutvikle det regionale næringsretta instituttprogrammet som har bidratt til å byggje opp ulik teknologisk og næringsøkonomisk kompetanse av betydning for det lokale næringslivet i 9 regionale forskningsinstitutt. Programmet for nyskaping og teknologispreiing i Nord-Noreg skal vidareførast for ein ny fireårig programperiode. Evalueringa av programmet viser at det er nyttig: Programmet har medvirka til utvikling av 150 nye produkt, etablering av 35 nye teknologibedrifter og 125 kontraktar mellom forskings- og utgreingsmiljø og bedrifter.
Nasjonale program for regional utvikling skal gjere høgskoler og forskingsinstitutt meir innretta mot behovet til næringslivet. Det må byggjast fleire bruer mellom ulike miljø som produserer kunnskap og bedrifter i distrikta. Mange bedrifter har inga erfaring med å investere i bedriftsutvikling ved å ansette personar med høgare utdanning og gjennom samarbeid med forskarar. Dei kulturelle og språklege barrierane tykkjest ofte uoverstigelege. Dessuten vil mange bedrifter vere usikre på om meir langsiktig innovasjonsverksemd vil kaste av seg. Kortsiktige investeringer blir gjerne prioritert.
Sist oppdatert 4 oktober 1996 av Statens Forvaltningstjeneste, ODIN-redaksjonen