Pressemelding

Kommunal- og arbeidsdepartementet

Oslo, 17.07.95

Mange bosniarar reiser heim

• Vi merker nå auka interesse blant flyktningar for å vende tilbake til heimlandet, seier politisk rådgjevar i Kommunal- og arbeidsdepartementet, Roger Ingebrigtsen. Han trur minst 1000 bosniarar vil vende heim i 1996.

Hittil i år har 418 flyktningar vendt tilbake til sine heimland. 381 av dei tilbakevendte er bosniarar. Etter opplysningar frå Utlendingsdirektoratet (UDI) står ytterlegare 145 bosniarar klare til å vende tilbake. 15 chilenarar har vendt tilbake til heimlandet hittil i år, og utgjer dermed den nest største gruppa tilbakevendte frå Noreg. Personar frå Rest-Jugoslavia følgjer tett etter chilenarane.

Det har vendt tilbake like mange flyktninger den siste månaden som dei fire første månadane i 1996 til saman. Talet tilbakevendte per 14. juni i år var på 209 personar medan det per 15. juli utgjør 418 personar.

På bakgrunn av henvendingar frå de bosniske flyktningane er det grunn til å tru at mellom 1 000 og 1 500 bosniarar vil komme til å vende tilbake i år dersom utviklinga i Bosnia-Hercegovina går i riktig retning. I tillegg er det truleg at enkelte chilenske flyktningar kommer til å vende tilbake i løpet av hausten. Mange chilenarar ventar med å reise til sommarferien står for dør i Chile i desember.

• Tilbakevendingstalet er til nå ikkje spesielt høgt, men det har auka sterkt etter at satsane for støtte til tilbakevending blei endra i april i år. Det ser ut til at kr 15000 i støtte framfor kr 4500, gjør at fleire flyktningar tør satse på tilbakevending til heimlandet som avslutning på sitt opphald i Noreg. Det er sjølvsagt mange andre faktorar som og spiller inn når flyktningar vurderer å vende tilbake til heimlandet. UDI sine prognosar for tilbakevending til Bosnia-Hercegovina er derfor noe usikre. Resultatet av valet i Bosnia-Hercegovina i september i år vil spille inn. Muligheit for eit forlenga mandat for IFOR-styrkane kan og ha ei påvirking, i tillegg vil framdrifta i arbeidet med gjenoppbygging virke inn på dei bosniske flyktningane sine ønsker om å vende tilbake, meiner Roger Ingebrigtsen.