Pressemelding

Kommunal- og arbeidsdepartementet

Oslo, 23.02.96

Kontaktutvalet mellom innvandrarar og norske styresmakter:

Odd Einar Dørum attvald som leiar

Nytt kontaktutval mellom innvandrarar og norske styresmakter er oppnemnt i statsråd for ein to-års periode. Odd Einar Dørum er attvald som leiar. Det er 34 medlemer i utvalet. For første gong er alle partia på Stortinget representert i utvalet.

• Utvalet har i den siste perioden behandla problemstillingar som er svært relevante for departementets arbeid med stortingsmeldinga om innvandrarar i det norske samfunnet. Eg er glad for at Odd Einar Dørum - som har leia utvalet dei siste to periodane - har sagt seg viljug til å påta seg vervet også i denne perioden, seier kommunal- og arbeidsminister Gunnar Berge.

Kontaktutvalet mellom innvandrarar og norske styresmakter skal vera eit rådgjevande organ for norske styresmakter i prinsipielle innvandringspolitiske saker og eit forum for kontakt og dialog mellom representantar for innvandrarane og styresmaktene. I tillegg til å vera ein viktig høyringsinstans for styresmaktene, kan utvalet sjølv ta initiativ til å få sett lys på viktige innvandringspolitiske spørsmål.

• I den komande perioden vil arbeidet med stortingsmeldinga om innvandrarar i det norske samfunnet stå sentralt i departementet. Utvalets rolle som forum for konstruktiv dialog mellom innvandrarane og styresmaktene blir difor særleg viktig, seier Gunnar Berge.

Utvalet har 34 medlemer. Det er 16 representantar for innvandrarane, og dei andre representerer styresmaktene, politiske parti og kommunesektoren. Innvandrarane har kome fram til forslaga sine på representantar gjennom nominasjonsmøte i 13 regionar, i hovudsak i fylka kring i landet. For første gong er også alle dei politiske partia på Stortinget representerte. Utvalet blir denne gongen nemnt opp igjen for ein to-års periode, slik at funksjonstida blir samordna med stortingsperioden av omsyn til oppnemninga av representantar frå dei politiske partia.

linkdoc036005-070061#docVedlegg; Sammensettingen av utvalget

Nærmare opplysningar ved:

ekspedisjonssjef Petter J. Drefvelin, Innvandringsavdelinga, KAD , tlf. 22 24 71 70