P R E S S E M E L D I N G
Kulturdepartementet
Kirke-, utdannings- og forsknings- departementet

Underdirektør Stein Sægrov, tlf. 22 34 8029
Pressemelding 100/95, 3.11.1995

Ivar Aasen-tunet for nynorsk skriftkultur

Etter statsråd 3.11.95, kl. 1130

Regjeringen foreslår at det vert bygd eit nasjonalt senter for nynorsk skriftkultur i Ørsta, på heimegarden til Ivar Aasen. Investeringsramma er sett til 40 mill. kroner, og 24 mill. kroner eller 60 prosent av denne summen, vert foreslått dekt av tilskot frå staten. Føresetnaden er at Møre og Romsdal fylkeskommune og Ørsta og Volda kommunar fullfinansierer prosjektet.

Omsynet til framdrifta i prosjektet og markeringa av Ivar Aasen-året 1996, gjer det viktig å setja av midlar til planlegging med sikte på byggjestart i 1997. Med ei byggjetid på om lag to år vil Ivar Aasen-tunet stå ferdig i 1998.

Stiftinga bak Ivar Aasen-tunet vil søkja Kulturdeparte- mentet om årleg tilskot på 4,9 mill. kroner. I tillegg er det budsjettert med 0,8 mill. kroner i eigeninntekter. Ei rekkje organisasjonar innanfor nynorsk skriftkultur, høgskolar, universitet og offentlege styresmakter har skipa Ivar Aasen-stiftinga.

Ivar Aasen-tunet i Ørsta vil femna om eit kulturbygg for utstilling og kulturformidling og eit uteområde med stemneplass og amfi. Det skal vera hovudsenteret for Dei Nynorske Festspela.

Ivar Aasen-tunet i Ørsta skal ha eit nært samarbeid med Ivar Aasen-instituttet ved Høgskolen i Volda. Forskingsaktiviteten ved Ivar Aasen-instituttet vil stø opp under samlings-, bevarings- og formidlingsarbeidet ved Ivar Aasen-tunet.