Statsbudsjettet 1996 - Kunstnarpolitiske tiltak
Historisk arkiv
Publisert under: Regjeringen Brundtland III
Utgiver: Kulturdepartementet
Pressemelding | Dato: 04.10.1995 | Sist oppdatert: 21.10.2006
P R E S S E M E L D I N G
Kulturdepartementet
Kontaktperson: Ekspedisjonssjef Sigve Gramstad, tlf. 22 34 80 00 Sperrefrist: 04.10.1995, kl. 1000 Pressemelding 78/95, 04.10.1995
STATSBUDSJETTET 1996
Kunstnarpolitiske tiltak
Til stipend og garantiinntekter for kunstnarar blir det foreslått løyvt 107,3 mill. kroner i 1996. 62,7 mill. kroner av dette vil bli nytta til garantiinntekter.Arbeidsstipenda blir foreslått auka med 3 500 kroner til 97 500 kroner pr år.
4,3 mill. kroner blir sett av til auken i utgifter til visingsvederlag, utstillingsvederlag ved statsstøtta kunstmuseum og bibliotekvederlag.
Ordninga med utstillingsstipend blir styrkt med 0,5 mill. kroner.
Den kunstnarstyrte formidlinga blir styrkt gjennom auken på 0,9 mill. kroner i tilskottet til Norske Kunsthånd- verkere.
Kunstnarane har også fått styrkt det økonomiske grunnlaget sitt gjennom endringane i åndsverklova, som vart sett i verk 30. juni 1995.
Kulturdepartementet vil i 1996 setje i gang arbeidet med ei stortingsmelding om arbeids- og inntektstilhøva til kunstnarane. Meldinga skal leggjast fram for Stortinget i 1997 og vil ta for seg dei ulike kunstnarpolitiske og opphavsrettslege inntekts-, stipend-, fonds- og vederlagsordningane.
Lagt inn 4 oktober 1995 av Statens forvaltningstjeneste, ODIN-redaksjonen