Statsbudsjettet 1996 - Museet Baroniet Rosendal får budsjettauke

P R E S S E M E L D I N G
Kulturdepartementet

Kontaktperson: Ekspedisjonssjef  Sigve Gramstad, tlf. 22 34 80 00
Sperrefrist: 04.10.1995, kl. 1000
Pressemelding 87/95, 04.10.1995

STATSBUDSJETTET 1996

Museet Baroniet Rosendal får budsjettauke

I 1995 har Museet Baroniet Rosendal budsjettert med 9,2 mill. kroner i driftsutgifter. 3,1 mill. kroner av utgiftene er direkte knytte til museumsdrift. Museet får 1 mill. kroner i samla driftstilskott frå Kultur- departementet og Hordaland fylkeskommune.

Kulturdepartementet gjer framlegg om 250 000 kroner i auke i museumstilskottet til Hordaland fylkeskommune. Auken er øyremerkt Museet Baroniet Rosendal, og det er ein føresetnad at Hordaland fylkeskommune også løyver 250 000 kroner og at Universitetet i Oslo/Den Weis Rosenkroneske stiftelse styrkjer budsjettet med 500 000 kroner. Den samla budsjettauken på 1 mill. kroner skal gå til styrking av administrasjonen.

---

Lagt inn 4 oktober 1995 av Statens forvaltningstjeneste, ODIN-redaksjonen