P R E S S E M E L D I N G
Kulturdepartementet

Kontaktperson: Eksp.sjef Sigve Gramstad, tlf. 22 24 80 00
Pressemelding 7/96, 26.1.1996

1996 - Løyvinga til Norsk kulturfond fordelt

Fordelinga av løyvinga til Norsk kulturfond for 1996 på 159,47 mill.kroner vart vedteken i statsråd fredag.

Til scenekunst blir det ei eiga avsetning på 18,3 mill. kroner. Beløpet skal gå til drifts- og produksjonsstøtte til frie sceniske grupper. I tillegg blir det sett av 3,3 mill. kroner til andre tiltak innafor scenekunst.

Den største avsetninga er 63 mill. kroner til litteratur. 3,3 mill. kroner skal gå til ei ny innkjøpsordning for fagbøker for barn og unge.

Til området kultur og helse blir det sett av 4 mill. kroner og til kultur og medium 1 mill. kroner. Løyvinga til Norsk kulturfond er vidare fordelt slik: tidsskrift 2,3 mill. kroner, musikk 8 mill. kroner, biletkunst/ kunsthandverk 8,7 mill. kroner, kulturvern 12,1 mill. kroner, kulturbygg 8,8 mill. kroner, barn og unge 7,5 mill. kroner, kultur og næring 2 mill. kroner, visuelt miljø 2,5 mill. kroner, andre formål 10,67 mill. kroner, utval og utgreiingar 2,2 mill. kroner og administrasjon 5,1 mill. kroner.