P R E S S E M E L D I N G
Kulturdepartementet

Pressemelding 52/96, 27.08.1996

Ekspedisjonssjef Sigve Gramstad, tlf. 22 24 80 00

Tilsetting av direktør ved museet for samtidskunst

Kulturdepartementet har tilsett Per Bjarne Boym (49) som direktør for Museet for samtidskunst for ein seksårsperiode.

Per Bjarne Boym er mag.art. i kunsthistorie frå Universitetet i Bergen. 1984-93 var han konservator, seinare førstekonservator og dagleg leiar ved Lillehammer Bys Malerisamling. 1994-95 var han direktør ved Bergen kommunes kunstsamlinger. Per Bjarne Boym er no direktør for Oslo kommunes kunstsamlinger.

Boym har dessutan brei røynsle frå biletkunstfeltet gjennom forskingsarbeid /vitskapelege artiklar, utstillingsprosjekt, undervising, utgreiingsoppgåver og tillitsverv.