Tilskot til tekniske industrielle kulturminne
Historisk arkiv
Publisert under: Regjeringen Brundtland III
Utgiver: Kulturdepartementet
Pressemelding | Dato: 04.10.1996 | Sist oppdatert: 21.10.2006
Pressemelding Statsbudsjettet 1997
87/96, 4 oktober 1996
Tilskot til tekniske industrielle kulturminne
Kulturdepartementet følgjer i budsjettframlegget opp kulturmeldinga som peikte på behovet for å ta vare på tekniske og industrielle kulturminne. 3,15 mill. kroner blir sett av til museumsdrift knytt til sju tekniske og industrielle kulturminne i 1997. Dei sju kulturminna er Fetsund Lenser, Klevfos Cellulose & Papirfabrikk, Nes Jernverk, Sjølingstad Uldvarefabrik, Industristaden Tyssedal, Salhus Trikotasjefabrikk og Spillum Dampsag & Høvleri.
Fordeling av den statlege løyvinga blir slik:
Fetsund Lenser | kr 300 000 |
Klevfos Cellulose & Papirfabrikk | kr 300 000 |
Nes Jernverk | kr 400 000 |
Sjølingstad Uldvarefabrik | kr 400 000 |
Industristaden Tyssedal | kr 600 000 |
Salhus Trikotasjefabrikk | kr 600 000 |
Spillum Dampsag & Høvleri | kr 550 000 |
Det statlege tilskotet skal utgjere maksimum 60 prosent av vedlikehalds- og driftstilskotet til anlegga, og 40 prosent må dekkjast av fylkeskommunane.
Desse kulturminna er peikte ut som særleg verneverdige av ei arbeidsgruppe nedsett av Kulturdepartementet og Miljøverndepartementet. Arbeidsgruppa vart sett ned for å finne løysingar som sikrar drifta og vedlikehaldet av dei tekniske industrielle kulturminna som alt har fått statlege investeringstilskot.
Kontaktperson: Sigve Gramstad, tlf.22 24 80 00
Sist oppdatert 4 oktober 1996 av Statens Forvaltningstjeneste, ODIN-redaksjonen