P R E S S E M E L D I N G
Landbruksdepartementet

26. juli 1995

Budsjettpostar etter fylke

For å utvikle ny næringsverksemd i og i tilknyting til landbruket, er 390 millionar kroner foreslått fordelt på fylka.

OSLO: Det vil bli oppretta åtte nye studieplasser og to nye stillingsheimlar ved Norges veterinærhøgskole. Det er framlegg om å opprette åtte nye, faste stillingsheimlar og to mellombels heimlar ved Statens veterinære laboratorier og fire nye stillingsheimlar ved Statens næringsmiddeltilsyn.

AKERSHUS: Det vil bli 160 fleire studentar ved Norges landbrukshøgskole i 1996 som følgje av auka studenttal gjennom fleire år. Av den grunn er det framlegg om å opprette seks faste og fire mellombels stillingsheimlar ved NLH. Vidare er det framlegg om å opprette ei stilling som avdelingsdirektør og omgjere tre stillingar til avdelingsdirektørstillingar ved det nyoppretta Senter for klimavegetasjon og planteforedling.

Det er framlegg om å løyve 15 millionar kroner til eit administrasjons- og forskningsbygg ved NLH. Prosjektet er kostnadsrekna til 135 millionar kroner.

Ved Statens landbrukstilsyn, Ås, er det framlegg om å opprette fem nye stillingsheimlar knytte til prøvetaking av fôrvarer og innkrevjing av kontrollavgift, og ei ny stilling i samband med EØS-samarbeidet innan fôrvarer.

HEDMARK: Statens skogfrøverk, Hamar, er foreslått overført til Det norske skogselskap frå 1.1.96. Det er lagt opp til at dei ti tilsette skal få tilbod om arbeid i den nye verksemda.

FINNMARK: Det er framlegg å løyve sju millionar kroner til å byggje eit internat ved Svanhovd Miljøstasjon i Pasvik.

Til å vidareføre omstillingsprogrammet for Indre Finnmark, er det framlegg om å løyve seks millionar kroner for 1996. I 1994 og 1995 er det til saman løyvd 24 millionar kroner til programmet. Det vil ikkje bli gjeve omstillingsløn til utøvarar som går ut av reindrifta etter 1.1.96.

---

Lagt inn 17 oktober 1995 av Statens forvaltningstjeneste, ODIN-redaksjonen