P R E S S E M E L D I N G
Landbruksdepartementet

26. juli 1995

Ny næringsutvikling

Satsinga på å skape ny næringsverksemd i og i tilknyting til landbruket blir styrkja. Ordninga med bygdeutviklingsfond (BU-fond) er det viktigaste økonomiske verkemidlet. Løyvinga til utviklingstiltak fordelt på fylka er foreslått auka med 15 millionar kroner til 390 millionar kroner. I tillegg har fylkesmennene sine landbruksavdelingar og den kommunale landbruksforvaltninga viktige oppgåver innan rådgjeving og tilretteleggjing for etablering av ny næringsverksemd. Det blir spesielt satsa på å skape nye arbeidsplassar for kvinner i og i tilknyting til landbruket. Forum for grøn verdiskaping i regi av Statens Landbruksbank, held fram. Miljøretta og kunnskapsbasert næringsutvikling blir tillagt vekt. Samarbeidet om næringsutvikling mellom Statens Landbruksbank, Statens nærings- og distriktsutviklingsfond og Norges Forskningsråd skal utvidast.

---

Lagt inn 17 oktober 1995 av Statens forvaltningstjeneste, ODIN-redaksjonen