P R E S S E M E L D I N G
Landbruksdepartementet

26. juli 1995

Landbruksminister Gunhild Øyangen:

Budsjettopplegg for eit framtidsretta landbruk

- Landbruksdepartementets budsjettframlegg for 1996 legg vekt på tiltak som kan gjere norsk landbruk meir robust og framtidsretta, seier landbruksminister Gunhild Øyangen.

- Budsjettet inneber at kontrollen med dyrehelse og næringsmiddel vert ytterlegare styrka.

Innanfor andre prioriterte oppgåver får jordskifteverket auka løyvingar. Satsinga på utvikling av ny næringsverksemd i og i tilknytning til landbruket held fram.

Overføringane til landbruket er foreslått reduserte som ein del av Regjeringa sitt arbeid med å redusere dei offentlege utgiftene. Det er lagt til grunn at det skal haldast oppe ein omfattande landbruksproduksjon i heile landet, at landbruksbefolkninga skal ha grunnlag for rimelege inntekter og levekår, og at forbrukarane skal få matvarer av betre kvalitet til lågare pris, seier Øyangen.

---

Lagt inn 17 oktober 1995 av Statens forvaltningstjeneste, ODIN-redaksjonen