Nina Græger ny politisk rådgjevar i NOE

Nina Græger (30) er tilsett som ny politisk rådgjevar i Nærings- og energidepartementet frå og med 15. januar 1996.

Græger har hatt ei rekke verv innan Arbeidarpartiet, mellom anna som medlem av internasjonalt utval både i DNA og i Oslo Arbeidarparti og som medlem av representantskapet i Oslo Arbeidarparti.

Nina Græger, som er fødd i Tromsø, er utdanna cand. polit. med hovudfag i statsvitskap. Ho kjem frå Institutt for fredsforsking (PRIO) i Oslo, kor ho har arbeida som forskar.

---

Informasjonssjef: Anne Ekern Tlf: 22 24 61 09, Faks: 22 24 95 67

---

Lagt inn 31 januar 1996 av Statens forvaltningstjeneste, ODIN-redaksjonen