Hordaland: Ytterlegare 9,5 millionar kroner til rassikring av riksvegar
Historisk arkiv
Publisert under: Regjeringen Brundtland III
Utgiver: Samferdselsdepartementet
Pressemelding | Dato: 16.08.1995 | Sist oppdatert: 21.10.2006
P R E S S E M E L D I N G
Samferdselsdepartementet
16. august 1995
Hordaland:
YTTERLEGARE 9,5 MILLIONAR KRONER TIL RASSIKRING AV
RIKSVEGAR
Samferdselsdepartementet har i dag fordelt til saman
9,5 millionar kroner over 1995-budsjettet til ytterlegare tiltak
for rassikring av riksvegar i Hordaland. Av dette beløpet skal 5,5
millionar kroner nyttast ved Svandalsflona (riksveg 11), 2
millionar i Austmannalia (riksveg 11), 0,5 millionar kroner til
prosjektet Oaldskar nord (riksveg 13), 0,5 millionar i Romslolia
(Europaveg 16) og 1 million kroner i Kattdalen (riksveg 7).
Beløpet på 9,5 millionar kroner kjem i tillegg til 7 millionar kroner som tidlegare i år er løyvd og fordelt til rassikringsprosjekt i Hordaland. Det beløpet som er fordelt i dag blir dekt innanfor midlar som på budsjettet for i år er avsett til rassikring på Austefjordvegen (riksveg 651) i Møre og Romsdal. Beløpet på 9,5 millionar kroner vil neste år bli ført tilbake til dette prosjektet. På grunn av manglande avklaring av endeleg lineval for ny veg i Austefjorden, er arbeidet med rassikringsprosjektet utsett til neste år. Løyvinga på til saman 15 millionar kroner til dette prosjektet vil derfor fullt ut bli stilt til rådvelde i 1996, opplyser samferdselsminister Kjell Opseth.
Informasjonssjef Ivar Torvik. Tlf. 22 34 81 08 (privat 22 60 21 42) Lagt inn 17 august 1995 av Statens forvaltningstjeneste, ODIN-redaksjonen