SD overtar ansvar for vidare handsaming av granskingsrapport

P R E S S E M E L D I N G
Samferdselsdepartementet

14. august 1995

Nr. 52/95

Statlege tilskottsordningar til barne- og ungdomsorganisasjonar:

SAMFERDSELSDEPARTEMENTET OVERTAR ANSVAR FOR VIDARE HANDSAMING AV GRANSKINGSRAPPORT

Regjeringa vedtok i statsråd sist fredag at Samferdselsdepartementet skulle overta ansvaret for den vidare handsaminga av delar av rapporten frå granskingskommisjonen som har gjennomgått dei statlege tilskots- ordningane for barne- og ungdomsorganisasjonane frå 1975 og fram til 1995. Dette ansvaret er overført frå Barne- og familiedepartementet og inneber at Samferdselsdepartementet skal handsame spørsmål som gjeld rettslege og økonomiske konsekvensar for dei aktuelle barne- og ungdomsorganisasjonane. Samferdselsdepartementet har også overtatt ansvaret for å handsame klagar over Fordelingsutvalet sine vedtak i 1995 om tilbakebetaling eller reduksjon av tilskot som er gitt på grunnlag av medlemstal.

- Samferdselsdepartementet har no tatt til med handsaminga av rapporten frå granskingskommisjonen. Ei intern arbeidsgruppe er oppretta for å arbeide vidare med saka, og vi tar sikte på å ha hovudkonklusjonane ferdig innan utgangen av 1995, opplyser samferdselsminister Kjell Opseth.

Pressekontakt: Informasjonssjef Ivar Torvik. Tlf. 22 34 81 08 (privat 22 60 21 42)

Lagt inn 14 august 1995 av Statens forvaltningstjeneste, ODIN-redaksjonen