FN kjøper norske feltsykehus til Rwanda

P R E S S E M E L D I N G
Utenriksdepartementet

FN KJØPER NORSK FELTSJUKEHUS TIL RWANDA

Norge skal på oppdrag av FN senda eit norsk feltsjukehus til Rwanda. Feltsjukehuset som får norsk utstyr, skal nyttast av FNs fredsbevarande styrkar i arbeidet for å møta dei omfattande behov for medisinsk hjelp i landet.

Det var FN som i slutten av juli tinga det norske feltsjukehuset samt driftstenester til bruk i Rwanda. Utanriksdepartementet har bede Flyktningerådet om å ta ansvaret for gjennomføringa av prosjektet som har ei kostnadsramme på 15 millionar kroner. Den første gruppa av den norske staben på 28 personar reiser til Rwanda alt i dag.

- Utanriksdepartementet er godt nøgd med den tillit FN viser norsk naudhjelpsarbeid gjennom dette innkjøpet, seier utanriksminister Bjørn Tore Godal. - Dette prosjektet kan vera med og opna for større FN-bruk av norske produkt og tenester i framtida.

Utgiftene til feltsjukehuset blir førebels dekka av Utanriksdepartementet. FN vil tilbakeføra utgiftene i samsvar med ein nærare avtalt betalingsplan.

Utanriksdepartementet, 10. august 1995