P R E S S E M E L D I N G
Utenriksdepartementet

30. august 1995

NATO-åtak nødvendig, seier utanriksminister Godal

- NATOs bombeåtak i natt kom som eit svar på dei bosniske serbarane sine granatåtak mot Sarajevo dei siste dagane med store sivile tap og lidingar som resultat. Flyåtaka, som var autoriserte av FNs øverstkommanderande i tidlegare Jugoslavia, var nødvendige for å markera at verdssamfunnet ikkje kan sitja roleg å sjå på at sivile blir mål for slik omsynslaus terror, seier utanriksminister Bjørn Tore Godal.

- Vi oppmodar no alle partar til å slutta opp om det amerikanske fredsinitiativet slik at fredsforhandlingane kan gjenopptakast snarast mogleg, seier utanriksminister Godal.

Lagt inn 4 september 1995 av Statens forvaltningstjeneste, ODIN-redaksjonen