P R E S S E M E L D I N G
Utenriksdepartementet

14. desember 1995

Norsk-russisk samarbeidsavtale om humanitær hjelp til kriseramma område.

Statssekretær Jan Egeland i Utanriksdepartementet og den russiske viseministeren for krise- og naudhjelp, Sergej Khetagurov, underteikna i dag ei felles erklæring med sikte på eit utvida samarbeid mellom Norge og Russland om humanitær hjelp til kriseramma område.

Bakgrunnen for møtet var det vellukka norsk-russiske samarbeidet i sommar om ei luftbru for å frakta naudhjelp til Beograd frå Anacona i Italia i regi av FNs Høgkommisær for flyktningar.

Russland stilte fly og mannskap til rådvelde mens Norge bidrog med naudhjelpsutstyr.

Norge og Russland vart på møtet samde om å utvida dette samarbeidet til og å omfatta andre former for humanitær hjelp. Andre område som no blir vurdert, er minerydding, medisinsk hjelp og transport/kommunikasjon.

Føremålet er å kunna tilby FN-systemet å setja iverk naudhjelpsoperasjonar innan kort frist og med stor grad av kostnadseffektivitet.