Utanriksminister Godal til Brussel og Haag

P R E S S E M E L D I N G
Utenriksdepartementet

Utanriksminister Godal til Brussel og Haag

Utanriksminister Bjørn Tore Godal skal torsdag 26. oktober ha samtalar med EU-kommisjonens ansvarlege for utanrikssaker, kommisjonær Hans van den Broek. Tema for samtalane vil bl.a. vera situasjonen i det tidlegare Jugoslavia og planane for gjenoppbygging etter inngåing av ein evt. fredsavtale, utviklinga av forholdet til Russland, Barentssamarbeidet, det transatlantiske samarbeidet og EUs engasjement i fredsprosessen i Midt-Austen. Utanriksministeren vil i samtalane og ta initiativet til eit breiare samarbeid med EU når det gjeld atomforureining og miljøspørsmål i Nordområda.

Utanriksministeren skal fredag 27. oktober møta sin nederlandske kollega Hans van Mierlo i Haag. I samtalane med van Mierlo vil utanriksminister Godal bl.a. drøfta europeisk integrasjon, EUs regjeringskonferanse i 1996, situasjonen i det tidlegare Jugoslavia og fredsprosessen i Midt-Austen. Besøket i Haag er eit ledd i arbeidet for nære bilaterale kontaktar om utanriks- og tryggingspolitiske spørsmål med dei vest-europeiske land.