P R E S S E M E L D I N G
Utenriksdepartementet

29. april 1996

Utanriksminister Godal til Europarådet i Strasbourg

Utanriksminister Bjørn Tore Godal deltar 2.-3. mai i det første utanriksministermøtet i Europarådet etter at Russland vart medlem i organisasjonen. Møtet finn stad i Strasbourg. Tema for drøftingane blir Europarådet og Russland, Europarådets rolle i gjennomføringa av fredsavtala for Bosnia-Hercegovina, og korleis Europarådet som organisasjon skal tilpassa seg sin nye situasjon etter den omfattande utvidinga austover dei seinare åra. Europarådet har i dag 39 medlemsland.

Ministerkomiteen i Europarådet vil under møtet også vedta erklæringar om vern av journalistar i konflikt- og spenningssituasjonar, og om oppfølgjing av den europeiske ungdomskampanjen mot rasisme, framandfrykt, antisemitisme og intoleranse.