P R E S S E M E L D I N G
Utenriksdepartementet

28. februar 1996

UTANRIKSMINISTER GODAL TIL MOSKVA 1.-2. MARS 1996.

Utanriksminister Bjørn Tore Godal skal 1.-2. mars gjesta Moskva for å ha samtalar med Russlands utanriksminister Jevgenij Primakov. Tema for samtalane vil bl.a. vera utviklinga i det bilaterale samarbeidet, Barentssamarbeidet der Russland før jul overtok formannskapet, miljøproblema på Kola og andre tosidige spørsmål. Europeiske tryggingspørsmål, situasjonen i tidlegare Jugoslavia og i Midt-Austen vil og stå sentralt i samtalane.

Utanriksminister Godal skal under besøket og møta 1. visestatsminister Oleg Soskovets og Vladimir Lukin som er leiar for utanrikskomiteen i Dumaen. 1. visestatsminister Soskovets er utpeika som ny russisk leiar for den norsk-russiske økonomiske kommisjonen.