Pressekonferanse om PISA og besøk til Øraker skole
Historisk arkiv
Publisert under: Regjeringen Solberg
Utgiver: Kunnskapsdepartementet
Nyhet | Dato: 05.12.2016
Kor gode er norske 15-åringar i naturfag, matematikk og lesing? Tysdag 6. desember blir resultata frå den siste PISA-undersøkinga offentleggjorde. Same dag besøker kunnskapsministeren Øraker skole i Oslo.
Offentleggjering av resultat frå PISA 2015
![Se sendingen her](/contentassets/5bc1995473d343cda60e8abcc4d379fd/ungdomsskole-7893.jpg)
Se sendingen her
1100-1300: Offentleggjering av resultat frå PISA 2015
Stad: Universitetet i Oslo, Georg Sverdrups hus, auditorium 2.
Program:
- Direktør i Utdanningsdirektoratet, Hege Nilssen, fortel kort om kvifor Noreg er med i PISA.
- Forskar Marit Kjærnsli frå Universitetet i Oslo legg fram hovudfunna frå PISA 2015.
- Kunnskapsminister Torbjørn Røe Isaksen kommenterer resultata.
- Spørsmål frå salen i plenum.
- Separate intervju med pressa.
Pressekonferansen blir også sendt direkte.
1300-1630: Fagseminar om PISA og TIMSS
Stad: Universitetet i Oslo, Georg Sverdrups hus, auditorium 1. Journalistar er velkomne til å delta.
Kontakt: Utdanningsdirektoratet: Marianne Nordengen, tlf. 90765748, mno@udir.no.
1330-1400: Besøk til Øraker skole
Stad: Øraker skole, Lilleakerveien 60, 0284 Oslo.
Kontakt: Kunnskapsdepartementet: Anbjørg Bakken, tlf. 99009260, anb@kd.dep.no.
Program: Kunnskapsministeren møter elevar frå 8. og 10. trinn som har naturfagundervising. Det blir høve til fotografering.
Øraker skole er ein av to skolar i Oslo som deltek i prosjektet Utforskande undervising i naturfag på ungdomstrinnet, i regi av Naturfagsenteret.
Fakta om PISA-undersøkinga
- PISA (Programme for International Student Asessment) måler kompetansane til 15-åringar i lesing, matematikk og naturfag.
- Undersøkinga gir også informasjon om andre forhold ved skolen, til dømes om elevane sine interesser og haldningar til faget og deira oppfatningar om undervising og skolemiljø.
- PISA-undersøkinga blir gjennomført kvart tredje år. Alle tre fagområda er med kvar gong, men dei bytter på å vere hovudområde. Naturfag er hovudområde i PISA 2015.
- Undersøkinga er eit samarbeid mellom medlemslanda i OECD (Organisation for Economic Co-operation and Development).
- 510 000 elevar frå 65 land er med i PISA. Frå Noreg deltek om lag 4700 elever frå 198 skoler.