681 millionar kroner meir i frie inntekter til Møre og Romsdal neste år

Regjeringa vil ta Noreg ut av koronakrisa ved å skape meir og inkludere fleire. For å sikre eit godt og sterkt lokaldemokrati, vil vi leggje til rette for ein god og føreseieleg kommuneøkonomi. I tillegg til veksten i frie inntekter, får kommunane 1,9 milliardar kroner som kompensasjon for skattesvikt i 2020.

Tabellen viser fordelinga av dei frie inntektene for kommunane i Møre og Romsdal og Møre og Romsdal fylkeskommune og den nominelle veksten frå 2020 til 2021. Veksten er rekna frå eit oppdatert anslag på dei frie inntektene i 2020. Anslaget inkluderer ei oppjustering av skatteinntektene for kommunesektoren i 2020 på 2,25 milliardar kroner, samanlikna med anslaget på skatteinntekter i revidert nasjonalbudsjett 2020.

For å gjere inntektsnivået i 2020 samanliknbart med inntektsnivået i 2021, er det korrigert for oppgåveendringar, regelendringar og endringar i finansieringa av oppgåvene til kommunesektoren. Dei ekstraordinære løyvingane til kommunesektoren i 2020 i samband med virusutbrotet, er ikkje rekna med i inntektsnivået for 2020.

Variasjonen i veksten mellom kommunar og mellom fylkeskommunar kan i all hovudsak forklarast med utvikling og endring i befolkninga og endringar i skjønnstilskotet og dei regionalpolitiske tilskota. For små kommunar kan mindre endringar gje store utslag i anslaget på vekst målt i prosent.

Kommune	Anslag på	Vekst frå anslag på
	frie	rekneskap 2020 - 2021
	inntekter	Nominelle	Prosent
	2021	kroner
	(1 000 kr)	(1 000 kr)
	1	2	3
1505 Kristiansund	1 374 326	32 523	2,4
1506 Molde	1 909 336	54 729	3,0
1507 Ålesund	3 823 088	117 090	3,2
1511 Vanylven	217 926	2 793	1,3
1514 Sande	173 140	2 586	1,5
1515 Herøy	527 598	16 961	3,3
1516 Ulstein	504 334	15 349	3,1
1517 Hareid	312 337	6 574	2,1
1520 Ørsta	640 555	21 562	3,5
1525 Stranda	283 021	5 079	1,8
1528 Sykkylven	441 224	9 089	2,1
1531 Sula	571 952	19 563	3,5
1532 Giske	497 116	16 381	3,4
1535 Vestnes	419 129	12 460	3,1
1539 Rauma	449 469	13 842	3,2
1547 Aukra	228 061	7 081	3,2
1554 Averøy	339 701	8 568	2,6
1557 Gjemnes	176 555	3 241	1,9
1560 Tingvoll	213 422	6 623	3,2
1563 Sunndal	445 645	10 067	2,3
1566 Surnadal	366 572	10 822	3,0
1573 Smøla	155 108	4 117	2,7
1576 Aure	271 834	2 185	0,8
1577 Volda	645 547	27 155	4,4
1578 Fjord	204 897	3 624	1,8
1579 Hustadvika	821 929	24 190	3,0
Til fordeling gjennom året	17 050
Møre og Romsdal	16 030 872	461 554	3,0
Møre og Romsdal fylkeskommune	4 769 782	219 266	4,8

Første kolonne:
Viser overslag på kor mykje kvar kommune og fylkeskommune får i frie inntekter i 2021, målt i 1 000 kroner.

Andre kolonne:
Viser overslag på vekst frå anslag på rekneskap for 2020 til anslag for 2021 i statsbudsjettet, målt i nominelle kroner. Veksten er korrigert for endringar i oppgåvene til kommunane.

Tredje kolonne:
Viser den nominelle oppgåvekorrigerte veksten målt i prosent.