Nye Ålesund er årets nynorskkommune i 2019
Historisk arkiv
Publisert under: Regjeringen Solberg
Utgjevar: Kulturdepartementet
Nyheit | Dato: 21.10.2019
Kultur- og likestillingsminister Trine Skei Grande delte i føremiddag ut prisen til varaordførar i Skodje, Geir Ove Leite.
![Kultur- og likestillingsminister Trine Skei Grande og varaordførar i Skodje Geir Ove Leite på scena på Kulturhuset i Oslo under utdelinga av prisen.](/globalassets/departementene/kud/bilder/arrangementer/img_2602-nye-alesund---arets-nynorskkommune-2019-foto-wenche-nybo-kud.jpg?preset=article&v=-425054418)
Kvart år sidan 2009 har Kulturdepartementet og Språkrådet delt ut prisen «Årets nynorskkommune». I år har juryen særleg konsentrert seg om kommunar som har gjort eit ekstra arbeid for å sikre nynorsken i kommune- og fylkesreforma.
Nye Ålesund har ei raus og demokratisk innstilling til språk og er ein føregangskommune i arbeidet med å sikre nynorsken i kommune- og fylkesreforma, meiner juryen. Kommunen kjem til å bli den største nynorskkommunen i landet. Kommunen kjem i drift i 2020 og er slått saman av kommunane Haram, Sandøy, Skodje, Ørskog og Ålesund.