9 millionar kroner til inkludering i kulturliv

Historisk arkiv

Publisert under: Regjeringen Solberg

Utgjevar: Kulturdepartementet

Pressemelding | Nr: 134/20 | Dato: 02.12.2020

I dag mottek 55 ulike prosjekt til saman 9 millionar kroner frå den nystarta tilskotsordninga Inkludering i kulturliv.

Gruppebilde med Strand, Raja, Hansen og Brekke. — Fra venstre: Direktør i Kulturtanken Øystein Strand, kultur- og likestillingsminister Abid Q. Raja, generalsekretær i Unge funksjonshemmede Leif-Ove Hansen og Birgitte Brekke fra Frivillighet Norge under besøket til Unge funksjonshemmede onsdag 2. desember. Foto: Erik Brandsborg/Kulturtanken

– Inkluderande og brei deltaking skapar samhald og fellesskap. Det frivillige kunst- og kulturlivet i Norge er ein unik arena for inkludering i heile landet, uavhengig av kjønn, etnisitet, religion, seksuell orientering, funksjonsevne eller sosial og økonomisk bakgrunn, seier kultur- og likestillingsminister Abid Q. Raja.

Frivillige organisasjonar har anten åleine eller i samarbeid med andre organisasjonar eller kommunar kunne søke om mellom 50.000 og 500.000 kroner til prosjekt som bidreg til å auke aktiviteten og deltakinga i kulturlivet.

Då søknadsfristen gjekk ut var det kome inn 135 søknader på til saman 34 millionar kroner.

– Dette viser at vi har eit frivillig kulturliv som er klare for å inkludere endå fleire barn og unge. Eg er difor veldig glad for at vi fekk plussa på bevillinga på 5 millionar kroner med ytterlegare 4 millionar kroner frå spelemiddel til kulturformål, seier Abid Q. Raja.

Midla er fordelte med tanke på å støtte opp om ei så stor breidde av prosjekt som mogleg, både av omsyn til målgrupper, kunstfagleg variasjon og geografisk spreiing. Prosjekta som no får støtte når personar med funksjonsnedsetting, samisk befolkning, nasjonale minoritetar, økonomisk vanskelegstilte og etniske minoritetar.

– Eg er særleg glad for at Kulturtanken har engasjert sitt eige ungdomsråd i arbeidet med å finne fram til lokale prosjekt over heile landet som no får støtte. Barn og unges medverknad er ein nøkkel til å skape eit kunst- og kulturliv der alle føler seg heime, seier kultur- og likestillingsministeren.

Inkludering i kulturliv - Søknadar/prosjekt som får støtte:

Søker	Fylke	Tilskot
Nordnorsk Design- og Arkitektursenter	Troms og Finnmark	300 000
Sletteløkka Arrangementer	Oslo	300 000
Tøyen Tegneserieverksted	Oslo	90 000
JOY - Joint Organization for Youth	Oslo	120 000
Byverkstedet	Oslo	100 000
Nordhordland kunstlag	Vestland	200 000
Blue Elite eSports	Innlandet	75 000
Haugesund LANKultur	Rogaland	80 000
Transform	Trøndelag	250 000
4H Finnmark	Troms og Finnmark	160 000
Røyrvik frivilligsentral	Trøndelag	200 000
FolkOrg	Viken	20 000
Stiftelsen TekstLab	Oslo	150 000
Olsvik skolekorps	Møre og Romsdal	50 000
Korpsnett Norge	Nasjonalt	250 000
Norges Musikkorps Forbund	Nasjonalt	250 000
AKKS Norge	Nasjonalt	300 000
Oslo Musikkråd	Oslo	200 000
Vadsø Jazzklubb	Troms og Finnmark	250 000
KOM NÆRMERE / Bergen katedralskole, Kyrre skole	Vestland	100 000
Papillon	Vestland	60 000
Røyken jazzforum	Viken	80 000
CODA Oslo International Dance Festival	Oslo	200 000
Kulturhjerte AS	Innlandet	200 000
Hålogaland Amatørteaterselskap	Troms og Finnmark	300 000
Bergen Internasjonale Kultursenter	Vestland	60 000
Stiftelsen Kirkens Bymisjon Drammen	Viken	24 000
KFUK-KFUM Norge Forandringshuset Drammen	Viken	150 000
Antirasistisk Senter	Oslo	300 000
Ullensaker kulturråd	Viken	200 000
BandOrg Akershus	Viken	200 000
Unge funksjonshemmede	Nasjonalt	200 000
Jeunesses Musicales Norway	Nasjonalt	350 000
Eiker Spellemannslag	Viken	51 000
Tabanka Dance Ensemble	Oslo	150 000
Ås frivilligsentral	Viken	150 000
Musikk i skolen	Oslo	200 000
Forum for Integrering og Dialog Agder	Agder	250 000
Stangeland skolekorps	Vestland	50 000
Linderudkoret	Oslo	150 000
Drøbak-Frogn Skolekorps	Viken	100 000
Tøyen orkester	Oslo	100 000
Sunde og Kvernevik Teaterverksted	Vestland	100 000
Scenelusa Produksjoner	Oslo	300 000
Kultursenteret Sisa	Troms og Finnmark	200 000
Bergen Vest Unge Strykere	Vestland	50 000
Øygarden kulturskulekor	Vestland	100 000
Somaliere i Tromsø- SIT	Troms og Finnmark	150 000
Kirsten Flagstad Festival	Innlandet	250 000
Snakk for deg sjøl AS	Troms og Finnmark	200 000
Norsk Folkehjelp Bodø	Nord	150 000
Dynamo Generasjon	Oslo	80 000
(Frivilligsentralene i Fredrikstad) Homestart Familiekontakten	Viken	200 000
Malakoff Rockfestival	Vestland	100 000
Global sosial utvikling	Oslo	150 000
Til saman		9 mill. kroner