Rause stipend til skogfagstudentar
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 24.11.2016
I samarbeid med Skoglauget delte landbruks- og matminister Jon Georg Dale i dag ut 350.000,- kroner i stipend til sju skogfagstudentar frå Norges miljø- og biovitenskapelige universitet (NMBU).
- Skognæringa er ei viktig næring for Noreg både historisk og i tida som kjem. Masterstipenda bidreg til å rekruttere studentar til skogfagstudie, og dermed sikre riktig og god kompetanse som skognæringa har bruk for i framtida, seier landbruks- og matminister Jon Georg Dale.
Stipenda deles ut av Skoglauget som er ei forening som består av ulike bedrifter og aktørar frå skognæringa i Noreg. Skog- og trenæringa er ei verdikjede med aukande betyding for ei bærekraftig og klimavennleg framtid. Verdikjeda har føresetnad for å auke i omfang, men er avhengig av kompetente aktørar i hele kjeda.
![Vinnerne sammen med landbruks- og matminister Jon Georg Dale under dagens stipendutdeling. Vinnerne sammen med landbruks- og matminister Jon Georg Dale under dagens stipendutdeling.](/contentassets/bf46b52d2e964bc4b3a14c03408b900e/masterstudenter-2016.jpg?preset=article&v=1462620582)
Godt kvalifiserte studentar
Masterstipendet er på 50.000,- kroner til kvar av dei seks kåra studentane. Stipendet deles ut til den beste halvdelen av kullet ved fullført mastergrad i skogfag. Dei aktuelle kandidatane blir valde ut frå gjennomsnittkarakteren frå masteroppgåva og alle emna som er inkludert i mastergraden. Føresetnaden for å få stipend er at studentane har fullført på normert tid.
Dei seks masterstipenda for 2016 gjekk til:
- Halldis Linde Lie
- Lars Halvor Bjørbæk
- Bente Husby
- Andreas Furnes Fjærli
- Martin Bråthen
- Henrik Tvengsberg
Beste masteroppgåve i år
I tillegg til masterstipenda, blei det og delt ut eit stipend på ytterlegare 50.000,- kroner til beste masteroppgåve. For 2016 gjekk dette stipendet til Simen Løken for oppgåva "Effekt av markberedning, næringsstatus og kortdagsbehandling ved planting av gran".
![Simen Løken frå Trysil som i dag vann 50.000,- kroner for beste masteroppgåve i skogfag 2016, har nyleg starta i arbeide som rådgjevar for skog og vilt i komunane Eidsberg og Trøgstad. Han kjem opprinneleg frå gard med skog i Trysil. Simen Løken frå Trysil som i dag vann 50.000,- kroner for beste masteroppgåve i skogfag 2016, har nyleg starta i arbeide som rådgjevar for skog og vilt i komunane Eidsberg og Trøgstad. Han kjem opprinneleg frå gard med skog i Trysil.](/contentassets/bf46b52d2e964bc4b3a14c03408b900e/dsc_1229-simen-loken-f-lmd.jpg?preset=article&v=462629486)
![Halldis Linde Lie frå Kristansand S Halldis Linde Lie frå Kristansand S](/contentassets/bf46b52d2e964bc4b3a14c03408b900e/dsc_1205-halldis-linde-lie-f-lmd.jpg?preset=article&v=1997508132)
![Lars Halvor Bjørbæk frå Skien Lars Halvor Bjørbæk frå Skien](/contentassets/bf46b52d2e964bc4b3a14c03408b900e/dsc_1255-lars-halvor-bjorbak-f-lmd.jpg?preset=article&v=-35748204)
![Bente Husby frå Skaun Bente Husby frå Skaun](/contentassets/bf46b52d2e964bc4b3a14c03408b900e/dsc_1190-bente-husby-f-lmd.jpg?preset=article&v=1934483446)
![Martin Bråthen frå Setskog. Martin Bråthen frå Setskog.](/contentassets/bf46b52d2e964bc4b3a14c03408b900e/dsc_1243-martin-brathen-f-lmd.jpg?preset=article&v=-435892061)
![Henrik Tvengsberg frå Grue Finnskog Henrik Tvengsberg frå Grue Finnskog](/contentassets/bf46b52d2e964bc4b3a14c03408b900e/dsc_1201-henrik-tvengsberg-f-lmd.jpg?preset=article&v=-906685863)
![Andreas Furnes Fjærli frå Valsøyfjord. Andreas Furnes Fjærli frå Valsøyfjord.](/contentassets/bf46b52d2e964bc4b3a14c03408b900e/dsc_1183-andreas-furnes-fjarli-f-lmd.jpg?preset=article&v=891607722)