Styrking av norsk utviklingshjelp innan dyrehelse og trygg mat
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 27.04.2020
Veterinærinstituttet og Norad har inngått ein rammeavtale om kunnskapssamarbeid for å styrke norsk utviklingshjelp innan dyrehelse, fiskehelse og trygg mat.
– Veterinærinstituttet har stor kompetanse og røynsle som vil kunne bidra i arbeidet med betre dyrehelse, fiskehelse og trygg mat, også utanfor Noregs grenser. Veterinærinstituttet er derfor ein sentral aktør i gjennomføringa av regjeringa sin handlingsplan for berekraftige matsystem, seier landbruks- og matminister Olaug Bollestad.
Den norske regjeringa presenterte i fjor sin handlingsplan for berekraftige matsystem. Planen gir retning for Norads arbeid med Kunnskapsbanken på område der Veterinærinstituttet har god vitskapeleg kompetanse og lang tradisjon for nasjonalt og internasjonalt samarbeid.
![Representantar frå Veterinærinstituttet og Landbruks- og matdepartementet besøkte Malawi i januar.](/globalassets/departementene/lmd/div-til-forside-temaside/representanter-fra-vi-og-lmd-i-malawi-jan-2020-f-lmd.jpg?preset=article&v=1471463990)
![]() |
FN sine berekraftsmål FN sine 17 berekraftsmål fram mot 2030 vart vedtatt av Høynivåforumet for berekraftig utvikling som vart arrangert under FNs Generalforsamling i september 2015. Måla er universelle og gjeld for alle land, også Noreg. Som eitt av dei fyrste landa skal Noreg rapportere til FN om korleis vi følgjer opp berekraftsmåla. Landbruks- og matdepartementet har koordineringsansvaret for FN sitt berekraftsmål nummer 2: Utrydje sult, oppnå matsikkerheit og betre ernæring, og fremje eit berekraftig landbruk. |