Fiskeri- og sjømatministeren til Brussel

– Eg ser fram til å møte den nye EU-kommissæren for miljø, hav og fiskeri. Noreg og EU har i fleire tiår hatt eit tett og godt forvaltingssamarbeid om fiskeri, seier fiskeri- og sjømatminister Harald T. Nesvik.

Den nye EU-kommisjonen tiltrådte 1. desember i år. Torsdag møter Nesvik EUs nye fiskekommissær.

– EU er ein nær handelspartnar og vårt største marknad for sjømat. Kommissær Sinkevičius vil ha ei sentral rolle i oppfylginga av den nye EU-kommisjonens arbeid med å sette i verk blant anna EUs fiskeripolitikk, den blå økonomien og tiltak mot ulovleg, uregistrert og urapportert fiske. Eg ønsker å føre vidare det godt etablerte samarbeidet vi har hatt i ei årrekke, sier Nesvik.

Brexit vil verka inn på fiskerisamarbeidet mellom Noreg og EU. Vårt framtidige fiskerisamarbeid, i tillegg til den nye EU-kommisjonens nye strategi og mål for EU, er blant temaa som står på agendaen for møtet.