Generalforsamling i NSB AS: Ny styreleiar og nytt styremedlem
Historisk arkiv
Publisert under: Regjeringen Solberg
Utgjevar: Samferdselsdepartementet
Pressemelding | Nr: 61/14 | Dato: 12.05.2014
Kai Henriksen blei under dagens generalforsamling for NSB AS vald til ny styreleiar. I tillegg trer Åsne Havnelid inn som nytt aksjonærvald styremedlem.
Kai Henriksen.
Foto: Otterdahl Jensen. |
Åsne Havnelid.
Foto: Røde Kors. |
Kai Henriksen blei under dagens generalforsamling for NSB AS vald til ny styreleiar. I tillegg trer Åsne Havnelid inn som nytt aksjonærvald styremedlem.
Etter generalforsamlinga ser styret i NSB AS slik ut:
- Leiar i styret Kai Henriksen (aksjonærvald)
- Nestleiar i styret Bjarne Borgersen (aksjonærvald)
- Styremedlem Tore Heldrup Rasmussen (aksjonærvald)
- Styremedlem Wenche Teigland (aksjonærvald)
- Styremedlem Åsne Havnelid (aksjonærvald)
- Styremedlem Rolf Jørgensen (vald av de tilsette)
- Styremedlem Audun Sør-Reime (vald av de tilsette)
- Styremedlem Jan Audun Strand (vald av dei tilsette)
Kai Henriksen er i dag administrerande direktør i Vinmonopolet AS og har også brei erfaring frå kundeorientering og ulike styre- og styreleiarverv (blant anna i Fjellinjen, Delphi Consulting, Danske kapital AS og Spekter).
Åsne Havnelid er i dag generalsekretær i Norges Røde Kors. Ho har tidlegare blant anna vore direktør i Ski-VM 2011 AS. Havnelid sit i dag i styret i Det Norske Teatret, og har tidlegare hatt fleire styreverv.
–Eg er svært godt nøgd med at Kai Henriksen og Åsne Havnelid no kjem inn i styret. Dei vil bidra til å styrkje styret i NSB både strategisk og i arbeidet med omstillingsprosessar. Styret er med dette godt rusta til å møte utfordringane som NSB vil møte i tida framover, seier samferdselsminister Ketil Solvik-Olsen.
Ingeborg Moen Borgerud blei under generalforsamlinga takka av for god innsats som styreleiar i NSB AS dei siste ti åra.