Frist for akkreditering til generalforsamlinga i FN

Opninga av FN si 73. generalforsamling vert markert med ei veke med toppmøte, frå måndag 24. september til fredag 28. september. Frå Noreg deltek etter planen statsminister Erna Solberg, utanriksminister Ine Eriksen Søreide og utviklingsminister Nikolai Astrup.

Media som ønskjer å dekke det som skjer i FN desse dagane må søkje akkreditering frå FN seinast 5. september. Meir informasjon om dette finn du på FN sine nettsider.

Alle må:

• registrere seg online på FN sine nettsider
• sende inn signert følgjebrev frå eigen redaktør til malu@un.org   
• laste opp passbilete (sjå eigne krav for bilete her).

Akkrediteringa skjer i regi av FN sin Media Accreditation and Liaison Unit (Malu). Etter at akkrediteringa er henta ved personleg oppmøte, er presseinngangen på 1. Avenue og 47. Street.

Pressekontaktar:
For statsministeren: Kommunikasjonssjef Trude Måseide, mobil 957 26 510.
For utanriksministeren: Kommunikasjonssjef Frode Andersen, mobil 917 22 022
For utviklingsministeren: Underdirektør Kristin Enstad, mobil 482 68 835
FN-delegasjonen i New York: Ambassadesekretær Ragna Marie Fjeld, mobil +1 954 955 2931