Utanriksministeren til Kirkenes

Kirkeneskonferansen er ein av dei viktigaste arenaene for diskusjon om næringsutvikling og politikk i nord og samarbeidet i Barentsregionen. Utanriksministeren held opningsinnlegget under sesjonen Det geopolitiske Barents, som byrjar kl. 13.00.

Sør-Varanger kommune, Barentssekretariatet og Kirkenes Næringshage står bak arrangementet. For ytterlegare informasjon om konferansen, sjå Kirkeneskonferansen 2019.

I Kirkenes har utanriksministeren også eit møte om Barentssamarbeidet på Barentssekretariatet. Ho møter i tillegg representantar for lokalt næringsliv og politikk, mellom anna Aust-Finnmark regionråd.

Utanriksministeren er tilgjengeleg for media ca kl 17.30 på Thon hotell, Kirkenes.

Pressekontakt: Kristin Enstad (med på reisa), mobil 482 68 835, e-post: kristin.enstad@mfa.no