Statssekretær Hagen til Namibia og Botswana 8.-10. april

- Kvinner, fred og tryggleik er høgt prioritert av Noreg, både heime og ute. Vi har nyleg lansert vår fjerde handlingsplan for kvinner, fred og tryggleik, og vi opplever at talet på land som utvikler sine eigne handlingsplanar er aukande, seier Hagen.

Namibia var initiativtakar til FNs tryggingsrådsresolusjon 1325 om kvinner, fred og tryggleik, som har vore verksam sidan år 2000. Noreg har vore med på å støtte Namibia i utviklinga av sin handlingsplan, som snart vert lansert.

Statssekretær Hagen vil også nytte reisa til å møte representantar frå styresmakter og sivilsamfunn i Namibia og Botswana.

- I møta vil eg mellom anna diskutere handelspolitikk, og sjå om Noreg kan auke sitt samarbeid med Namibia og Botswana på den multilaterale arenaen, seier Hagen.