Sør-Afrika og og Angola

Statsminister Erna Solberg reiser til Sør-Afrika og Angola for å delta i feiringa av 100-årsjubileet for Nelson Mandelas fødsel, samt å følgje opp sitt engasjement som leiar for pådrivargruppa for berekraftmåla.

Laurdag 1. desember er statsministeren til stades på markering av berekraftmåla saman med Global Goals World cup og Field Band Foundation. Laurdagen deltek Solberg også på arrangement om kunnskap om HIV og AIDS i høve den internasjonale AIDS-dagen.

I Johannesburg skal statsministeren mellom anna ha eit bilateralt møte med Sør-Afrikas president Cyril Ramaphosa og delta på Global Citizen Festival i Johannesburg. Ho vil også delta på fleire arrangement og møte om berekraftmåla.

I Angola skal statsministeren mellom anna møta president João Lourenço. Ho skal også delta på eit næringslivseminar med representantar frå norsk næringsliv og møte representantar frå sivilsamfunnet.

Pressekontakt er kommunikasjonssjef Trude Måseide, telefon 957 26 510, e-post trude.maseide@smk.dep.no.