Statsministeren deltek på markeringar av 9-årsdagen for 22. juli
Historisk arkiv
Publisert under: Regjeringen Solberg
Utgjevar: Statsministerens kontor
Kalenderhending | Erna Solberg
Stad:
Onsdag 22. juli skal det markerast at det er 9 år sidan angrepa mot regjeringskvartalet og Utøya. På grunn av koronasituasjonen blir markeringane i år gjennomført utan publikum.
Kun ei avgrensa gruppe med representantar for Støttegruppa, AUF, det offisielle Noreg m.fl. vil delta. Markeringane i regjeringskvartalet og på Utøya vil bli overført direkte (nett-tv/NRK).
Statsminister Erna Solberg deltek på markeringane i regjeringskvartalet og på Utøya, i tillegg til at ho er til stades på ei gudsteneste i Oslo domkyrkje.
Kl. 10.00: Minnemarkering i regjeringskvartalet. Presse som ønskjer å vere til stades på markeringa må akkreditere seg til smkinfo@smk.dep.no innan måndag 20. juli kl. 12.
Kl. 11.30: Gudsteneste i Oslo domkyrkje, der biskop Kari Veiteberg preikar.
Kl. 16.00: Minnemarkering på Utøya.
Sjå detaljert program for dagen.
Pressekontakt for statsministeren er kommunikasjonsrådgivar Arvid Samland, telefon 93 05 14 58, e-post asa@smk.dep.no.