Statsministeren besøkjer Lysaker, Rælingen, Lillestrøm og Jessheim

Statsminister Erna Solberg besøkjer Lysaker, Rælingen, Lillestrøm og Jessheim.

Kl. 09.30: Statsministeren besøkjer Sharebike på Lysaker. Denne bedrifta har gitt sjansar til folk som ofte har vanskar med å skaffe seg jobb, og statsministeren ønskjer å lære meir om korleis Sharebike jobbar for å inkludere fleire i arbeidslivet. Adresse: Vollsveien 13C, Lysaker.

Kl. 11.00: Statsministeren besøkjer Smedstad barneskole i Rælingen. Mange barn og unge har hatt eit annleis skuleår på grunn av pandemien. Tema for besøket er korleis elevar kan ta igjen det tapte, og få eit betre læringsutbyte. Adresse: Smedstadbråtan 1, Fjerdingby.

Kl. 12.15: Ordninga «Middag for eldre» gir tilskot til kommunar som samarbeider med restaurantar for å tilby billege middager til heimebuande eldre. Statsministeren et saman med eldre på ein restaurant, for å høyre meir om ordninga. Adresse: Meierigaarden Kro, Haldenvegen 305, Sørum.

Kl. 13.45: Området rundt Gardermoen har vore hardt råka av pandemien, og mange har mista jobben og vorte permitterte. Statsministeren møter ei ung kvinne som mista læreplassen på grunn av pandemien, men som har brukt tida til å skaffe seg meir kompetanse. Adresse: Jessheim videregående skole, Ringveien 60, Jessheim.

Pressekontaktar er politisk rådgivar Hannah Sumeja Atic, telefon 93 26 13 98, e-post hsat@smk.dep.no og kommunikasjonssjef Anne Kristin Hjukse, telefon 99 21 46 10, e-post ahj@smk.dep.no.