– I tråd med Soria Moria-erklæringa legg regjeringa derfor opp til ei forbetring av dagpengeordninga i 2007, seier arbeids- og inkluderingsminister Bjarne Håkon Hanssen.

Med dagens regelverk blir ikkje dagpengar ytt dei fyrste fem dagane i arbeidsløysesperioden.

– For å sikre betre kompensasjon for dagpengemottakarar ved inntektsbortfall foreslår regjeringa å redusere mengda ventedagar frå fem til fire dagar frå 1.1.2007, seier Hanssen.

Frå før har Stortinget vedtatt å gjeninnføre ferietillegg for personar som har mottatt dagpengar i meir enn 8 veker, frå 1. juli 2006. Denne utbetalinga vil kome vedkomande til gode i 2007 og hjelpe til at personar med lengre arbeidsløysesperiodar bak seg har høve til å ta ferie.

Regelverket for permitteringar blir vidareført
Regjeringa har også gått gjennom regelverket for permitteringar. Situasjonen i arbeidsmarknaden kan isolert sett tilseie kortare dagpengeperiode ved permittering. I innspel til gjennomgangen har partane i arbeidslivet mellom anna kome med ynskje om større forutsigbarhet og mindre hyppige endringar i regelverket. Etter ei samla vurdering blir dagens regelverk vidareført med ein dagpengeperiode på 34 veker og lønnsplikt på 10 dagar for arbeidsgjevar ved permitteringar.