Styrker norskopplæringa for vaksne innvandrarar

– Strakstiltak med eingongstilskot og skjønnstilskot på til saman 75 millionar kroner vil styrkje norskopplæringa av vaksne innvandrarar hausten 2007. Tilskotet kjem i tillegg til det ordinære per capita-tilskotet til kommunane, seier arbeids- og inkluderingsminister Bjarne Håkon Hanssen.

Årsaka til at regjeringa no gir eit ekstra tilskot, er at omlegginga i tilskotsordninga til kommunane  som vart gjort frå 1. september 2005, slo skeivt ut for nokre kommunar. Fleire små og mellomstore kommunar fekk gjennom denne omlegginga mindre tilskot enn tidlegare, noko som gjorde det vanskeleg å oppretthalde kvaliteten på undervisninga.

Konkret gir regjeringa no kommunar med 10 til 200 vaksne innvandrarar med rett og plikt til opplæring ei styrking på 400 000 kroner i inneverande år (sjå vedlagte liste). Fylkesmannen vil gje kommunane eingongstilskotet. I tillegg er det avsett inntil 25 millionar kronar i skjønnstilskot til kommunar med færre deltakarar enn 10, og som ikkje kan ha interkommunalt samarbeid utan at skysstida blir for lang.

Kommunane har òg tidlegare hatt mogelegheit til å søkje om skjønnstilskot. Ordninga blir utvida med 5 millionar kroner og det blir no sett ny søknadsfrist. Kommunar som ikkje vert omfatta av eingongstilskotet vil bli prioriterte. Andre kommunar kan òg søkje.

Søknad om skjønnstilskot vil verte handsama av Fylkesmannen. Det vil bli satt ein kort søknadsfrist, slik at kommunane får ei eventuell tildeling så raskt som mogeleg.

– Regjeringa vil vurdere å endre ordninga som trådde i kraft frå 1. september 2005. Ei eventuell omlegging av ordninga vil først kunne skje frå 2008, avsluttar statsråden.

 

Kommunar som får ekstra tilskot

Liste i Excel-format

Akershus Asker Aurskog Høland Enebakk Lørenskog Nesodden Nittedal Oppegård Skedsmo Ski Sørum Ullensaker Ås Aust-Agder Arendal Birkenes Evje og Hornes Froland Grimstad Lillesand Risør Buskerud Gol Hurum Kongsberg Lier Modum Nedre Eiker Ringerike Øvre Eiker Ål Finnmark Alta Hammerfest Sør-Varanger Vadsø Hedmark Elverum Hamar Kongsvinger Ringsaker Trysil Tynset Hordaland Askøy Bømlo Fjell Kvam Kvinnherad Lindås Meland Odda Os (Hordaland) Osterøy Stord Sund Ullensvang Voss Møre og Romsdal Averøy Fræna Giske Haram Herøy Kristiansund Molde Sula Sunndal Surnadal Sykkylven Tingvoll Ulstein Vestnes Ålesund Nordland Alstahaug Bodø Brønnøy Fauske Hadsel Meløy Narvik Nesna Rana Saltdal Sortland Vefsn Vestvågøy Vågan

Nord-Trøndelag Leksvik Levanger Meråker Namsos Steinkjer Stjørdal Verdal Oppland Gausdal Gjøvik Jevnaker Lillehammer Lunner Nord-Aurdal Nordre Land Sel Sør-Aurdal Vestre Toten Vågå Østre Toten Rogaland Eigersund Gjesdal Haugesund Hå Karmøy Lund Sola Strand Time Tysvær Sogn og Fjordane Bremanger Flora Førde Gloppen Høyanger Sogndal Stryn Vågsøy Sør-Trøndelag Frøya Hemne Malvik Melhus Midtre Gauldal Oppdal Orkdal Rissa Ørland Telemark Bamble Bø Kragerø Nome Notodden Porsgrunn Sauherad Seljord Skien Tinn Troms Bardu Harstad Lenvik Salangen Tromsø Vest-Agder Farsund Flekkefjord Kvinesdal Lyngdal Mandal Songdalen Søgne Vennesla Vestfold Holmestrand Horten Larvik Sandefjord Stokke Tønsberg Sande (Vestfold) Østfold Askim Fredrikstad Halden Moss Sarpsborg