Arbeids- og inkluderingsdepartementet har vedteke endringar i utlendingsforskrifta. Bakgrunnen for endringane er at Arbeids- og inkluderingsdepartementet frå 1. januar 2006 overtok den myndigheit som låg til Kommunal- og regionaldepartementet etter utlendingslova. Endringane inneber hovudsakleg at ”Kommunal- og regionaldepartementet” i utlendingsforskrifta vert erstatta med ”Arbeids- og inkluderingsdepartementet”. I tillegg vert ”Utdannings- og forskingsdepartementet” erstatta med ”Kunnskapsdepartementet”. Innhaldet i reglane vert ikkje endra.

Ytterlegare endringar i utlendingsforskrifta § 134 første ledd første punktum, § 134 andre ledd andre punktum, § 139 første ledd første punktum og § 141a femte ledd andre punktum vil kome etter at tilsvarande reglar i utlendingslova er vedteke.

Einskilde paragrafar i utlendingsforskrifta omtalar ”kvote” (§ 3 første ledd bokstav a nr. 1), ”region” (§ 2a første ledd, § 4 første ledd, § 4a første ledd bokstav c, § 4a andre ledd bokstav a, § 4a tredje ledd, § 5 fjerde ledd bokstav c) eller ”næring” (§ 4a andre ledd bokstav f) fastsett av fleire departement. Tidlegare kvote, region, eller næring fastsett av mellom andre Kommunal- og regionaldepartementet og Arbeids- og sosialdepartementet skal framleis gjelde, fram til nye kvotar, regionar og næringar eventuelt vert fastsett av mellom andre Arbeids- og inkluderingsdepartementet.

Forslag til endringar har ikkje vore på høyring fordi departementet meiner at alminneleg høyring openbert ikkje er naudsynt, jf. utgreiingsinstruksen pkt. 5.4.

Endringane trer i kraft 16. januar 2006.

Endringane i forskrifta er vedlagt. Lenke til forskrift om endring i utlendingsforskriften.

Med helsing
Birgitte Ege e.f.

Avdelingsdirektør Solveig Paulsen seniorrådgjevar