Pressemelding

Nr.: 06023
Dato: 09.05.06

2, 85 millionar til ungdom i distrikta

Ungdom i 42 kommunar får no fleire og betre mogelegheiter til aktivitet. Barne-, ungdoms- og familiedirektoratet (Bufdir) delar på vegne av Barne- og likestillingsdepartementet ut årets tilskot til ungdomssatsing i distrikta. 42 kommunar får opptil 100 000 kroner. Ungdom har vore med på å bestemme kva for tilbod kommunane har søkt om.

Departementet inviterte 61 små distriktskommunar med stor nedgang i folketalet til å søke. 49 av desse leverte søknad.

- Det er eit krav at ungdom deltek i arbeidet med søknaden og at dei får vere med på iverksetting av aktivitetane. Gjennom dialogar med ungdom kan kommunane få ein betre ungdomspolitikk som kan styrke busetjing og lokalkjensle, seier barne- og likestillingsminister Karita Bekkemellem.

- Kommunane har sett i verk mange gode tilbod som resultat av tilskota. Det er eit stort mangfald av aktivitetar som ungdom har ynskt seg, og det er ikkje alltid det skal så store summar til for å skape aktivitetar som gjev auka trivsel, seier statsråd Karita Bekkemellem.

Interessa for tilskotsordninga er stor. Ei oversikt over fordelinga av tilskot for 2006 følgjer vedlagt. Dei einskilde kommunane kan gje meir informasjon om den lokale satsinga.

OVERSIKT OVER KOMMUNAR SOM ER TILDELT MIDLAR TIL UNGDOMSSATSING I DISTRIKTA I 2006: