Kandidatar til Innvandrarprisen 2007
Historisk arkiv
Publisert under: Regjeringen Stoltenberg II
Utgjevar: Barne- og likestillingsdepartementet
Pressemelding | Nr: 07018 | Dato: 30.03.2007
Barne- og likestillingsdepartementet ynskjer å medverke til at eldssjeler blant innvandrarar blir synlege i samfunnet. No etterlysast kandidatar til Innvandrarprisen for 2007.
Barne- og likestillingsdepartementet ynskjer å medverke til at eldssjeler blant innvandrarar blir synlege i samfunnet. No etterlysast kandidatar til Innvandrarprisen for 2007.
Innvandrarprisen skal gå til ein vaksen person med innvandrarbakgrunn som gjer ein særlig innsats for barn og unge i innvandrarbefolkninga. Prisen ble delt ut første gongen i 2005.
- Vi søkjer kandidatar som gjennom sine handlingar er gode rollemodellar, som fremmer likestilling og antidiskriminering, og som legg vekt på kontakt og dialog mellom generasjonar og ulike miljø, seier barne- og likestillingsminister Karita Bekkemellem.
Gode kandidatar kan eksempelvis være personar som har teke initiativ til prosjekt på sosial- eller fritidsområdet, stimulert utdanning eller etablert hjelp til unge innvandrarar for å kvalifisere seg for arbeidslivet.
Ein eigen jury vil velje ut vinnaren blant føreslåtte kandidatar. Fristen for å sende inn forslag med grunngjeving til departementet er 10. mai. Innvandrarprisen 2007 blir delt ut i juni.