EFTA-posisjon om statstøtte til allmennkringkastarar

EFTA/EØS-landa ynskjer Europakommisjonen si beslutning om ein andre konsultasjonsrunde om allmennkringkasting velkomen. Landa held fast på sine tidlegare standpunkt om at grunnprinsippet for det eksisterande kommunikeet vedrørande definisjonen av betaling for offentlege tenester og overvaking fortsatt er relevant og tilfredsstillande. All revisjon av kommunikeet bør endeleg baserast på prinsippa i Amsterdamprotokollen, som slår fast at nærheitsprinsippet (subsidiaritet) skal gjelde.

EFTA/EØS-sida set pris på at Europakommisjonen har styrka prinsippet om teknologinøytralitet og at det vert fokusert på situasjonen i enkeltland i større grad, samt at det er tatt med ein referanse til prinsippet om redaktørsjølvstende.

Noreg, Island og Liechtenstein framset vidare mellom anna ynskje om at kriteria for ei ex ante kontrollmekanisme, som inneber at EØS-landa må etablere nasjonale ordningar for førehandsgodkjenning av tenester som allmennkringkastarane ynskjer å lansere, må ta omsyn til den særskilte situasjonen til små land.

EFTA-posisjonen i si heilheit finn du her.