Noreg med i EUs arbeidsmiljøkontor
Historisk arkiv
Publisert under: Regjeringen Stoltenberg II
Utgiver: Europaportalen
Nyhet | Dato: 16.06.2010 | Sist oppdatert: 28.06.2012
Norske myndigheiter, arbeidstakar- og arbeidsgivarorganisasjonar får no observatørstatus i styret i ”European Agency for Safety and Health at Work” (Bilbao-kontoret).
Bilbao-kontoret speler ei viktig rolle for utforminga og gjennomføringa av den europeiske arbeidsmiljøpolitikken.
Etter fleire års forhandlingar er det gjennomslag for at EFTA-landa får formelt medlemskap i EU-organet for tryggleik og helse på arbeidsplassen, European Agency for Safety and Health at Work.
– Eg er glad for at norske myndigheiter saman med partane i arbeidslivet no får mulegheit til å delta i Bilbao-kontorets verksemd, inkludert i styret. Det europeiske arbeidsmiljøkontoret er eit viktig organ for arbeidslivets partar som førebur grunnen for den europeiske arbeidsmiljøpolitikken og oppfølginga av han, seier arbeidsminister Hanne Bjurstrøm.
Det europeiske arbeidsmiljøkontoret, som er lokalisert i Bilbao, blei vedtatt i EU i 1994. Kontoret hjelper medlemslanda og Kommisjonen med faglege grunnlag for arbeidsmiljøreguleringar på europeisk nivå. Kontoret sørgjer for samarbeid mellom medlemslanda knytt til informasjonsinnhenting, forsking, opplæringsprogram og felles tilsynsprosjekt, med særleg vekt på førebygging og gode eksemplar.