Ministermøte for ein ambisiøs klimaavtale
Historisk arkiv
Publisert under: Regjeringen Stoltenberg II
Utgiver: Europaportalen
Nyhet | Dato: 07.05.2012 | Sist oppdatert: 28.06.2012
Miljøvernminister Bård Vegar Solhjell deltok måndag på eit uformelt ministermøte i lag med andre land som vil vere pådrivarar for ein ambisiøs klimaavtale. Møtet fann stad i Brussel med EUs miljøkommissær Connie Hedegaard som møteleiar.
Dette var første gong ministrane i den såkalla Durbanalliansen var samla etter klimamøtet i Durban. Alliansen består mellom anna av EU, Noreg, Sveits, nokre av dei fattigaste u-landa og nokre av dei små øystatane som vert mest råka av klimaendringane.
- Dette er startskotet for kva vi skal få til etter Durban. Her samlast pådrivarane for å få til ein god ny klimaavtale. Noreg er ein naturleg del av denne alliansen, seier miljøvernminister Bård Vegar Solhjell.
Vedtaket i Durban slår fast at det skal etablerast ein ny klimaavtale innan 2015 som skal tre i kraft i 2020. Kyotoprotokollen får ein ny forpliktingsperiode.
- Det blir krevjande å få til ein ny avtale i 2015. På vegen dit skal det vere klimatoppmøte i Doha der vi skal bli einige om ein ny forpliktingsperiode i Kyotoprotokollen. Det er viktig å vidareføre det gode samarbeidet frå Durban inn i forhandlingane om den nye avtalen, seier Bård Vegar Solhjell.
Se bilder fra rundebordskonferansen på EU-delegasjonens Flickr-side.