Norsk initiativ for betre koordinering i Afghanistan
Historisk arkiv
Publisert under: Regjeringen Stoltenberg II
Utgiver: Europaportalen
Nyhet | Dato: 19.10.2006 | Sist oppdatert: 28.06.2012
<p>Noreg får støtte frå EU i arbeidet med å betre koordineringa av den internasjonale innsatsen i Afghanistan. Statssekretær i UD, Kjetil Skogrand møtte positive reaksjonar i Brussel igår.</p>
Utanriksminister Jonas Gahr Støre tok under opninga av FNs generalforsamling opp behovet for ei betre koordinering frå det internasjonale samfunnet i Afghanistan. Statssekretær Skogrand var i Brussel for å følgje opp dette initativet. Gårsdagens samtalepartnerar var mellom andre Pedro Serrano, direktør for sivil krisehandtering i Rådssekretariatet og Robert Cooper, generaldirektør for EUs politisk-militære og økonomiske forhold, Javier Solanas "høgre hand".
EU ønskjer det norske initiativet velkomen, og er samd i at det må ein meir målretta innsats til. Det trengs ei betre koordinering mellom dei ulike aktørane, som er mange: FN-organisasjonar, einskildland, Verdsbanken og forskjellige humanitære organisasjonar.
Noreg skal legge fram eit forslag til korleis koordineringa kan bli betre, på NATOs toppmøte i Riga i november.
Les også dagens BT, der statssekretær Kjetil Skogrand er intervjua.