Noreg støttar “Smart Defence” gjennom å byggja integritet i NATO

Noreg er ein av leiarnasjonane som driv fram initiativet med å byggja integritet i NATO. Føremålet er å byggja opp ein anti-korrupsjonskapasitet i NATO- og partnarnasjonane, utvikla praktiske verktøy og fremja god praksis.

I den komande perioden vil initiativet mellom anna ha eit fokus på NATO-operasjonen i Afghanistan, utvikling av ei pakke for å byggja kapasitet og utvikla institusjonar i nasjonane i Søraust-Europa, og å utarbeide ein strategisk plan for utdanning og trening.

- Dette er eit prioritert område for Noreg, og eg er glad me kan engasjere oss i dette viktige arbeidet i NATO-forband, seier forsvarsminister Espen Barth Eide, og held fram: «Ord må fylgjast opp med handling slik at verkemidla me lagar i NATO kan brukast til å utvikla god praksis for å hjelpa nasjonane til å redusera risiko for korrupsjon. Initiativet bidreg òg til å få meir effekt ut av dei pengane som nasjonane brukar på sitt forsvar. På denne måten vil det òg vera eit viktig bidrag til «Smart Defence»», seier forsvarsministeren.

For meir informasjon sjå lenke nedafor:

http://www.nato.int/cps/en/natolive/news_84137.htm