Etter dagens ordning er det departementa og fylkesmennene som avgjer saker om tryggleiksklarering. Departementa har etter tryggleiksloven eit snevert høve til å delegere desse sakene til underlagte verksemder som har eit stort klareringsbehov. Det eksisterer i dag 58 klareringsstyresmakter i forvaltninga.

Meldinga drøfter fire alternativ til ny struktur som reduserer talet på klareringsstyresmakter:

• Justert vidareføring av dagens ordning
• Samling av klareringsorgan i sivil sektor til utvalde departement
• To klareringsstyresmakter, ei i sivil og ei i militær sektor
• Ei klareringsmyndigheit

Regjeringa foreslår ei justert vidareføring av dagens ordning. Dette inneber at ein samlar klareringsstyresmakta til fylkesmennene til to utvalde fylkesmenn, fylkesmannen i Oslo og Akershus og fylkesmannen i Rogaland. I tillegg bør departementa foreta ein gjennomgang av eiga delegeringspraksis. Denne innskrenkinga i talet på klareringsstyresmakter vil føre til betre kvalitet i saksbehandlinga, både med omsyn til dei tryggleiksmessige vurderingar som skal gjerast av klareringsstyresmakta og med omsyn til rettstryggleiken for den enkelte.