Finansminister Kristin Halvorsen møtte den svenske finansministeren Pär Nuder i Stockholm i dag. For utan den økonomiske og politiske situasjonen i dei to landa, var skatte- og budsjettpolitikk, utvikling i sjukefråvær og aktuelle EU-spørsmål på planen.

Ministrane vart einige om å stare ein dialog om korleis den "Nordiske modellen" med skattefinansierte velferdsordningar skal forsvarast og vidareutviklast. Dei ser her at landa deler fleire av utfordringane, men at dei også har ulike erfaringar på området.

Finansministrane vart einige om å skjerpe kampen mot skatteflukt og økonomisk kriminalitet. Det er fornuftig å utforme skattesystem og internasjonale skatteovereinskomstar som avgrensar denne aktiviteten så godt som råd. Her ligg det og eit ynskje om å få til avtaler med såkalla skatteparadis om informasjonsutveksling. Finansministrane ser for seg ei felles arbeid mot dette målet i Norden.

Lagt ut 19.01.06