Betre styring av likviditetsrisikoen i bankar og meir effektivt tilsyn med rekneskapsførarar
Historisk arkiv
Publisert under: Regjeringen Stoltenberg II
Utgjevar: Finansdepartementet
Pressemelding | Dato: 03.03.2006 | Sist oppdatert: 05.10.2006
- Spesielt små og mellomstore bankar har etterspurt nye likviditetskrav for å kunne utnytte likvidane sine meir effektivt. Med dette lovforslaget møter vi dette behovet, samtidig som vi bidreg til betre styring av likviditetsrisikoen, seier finansminister Kristin Halvorsen.
Pressemelding
Nr.: 14/2006
Dato: 03.03.06
Kontaktperson: Per Christian Bærøe, telefon 22 24 45 88 /
Mirella Wassiluk, telefon 22 24 45 58
Betre styring av likviditetsrisikoen i bankar og meir effektivt tilsyn med rekneskapsførarar
- Spesielt små og mellomstore bankar har etterspurt nye likviditetskrav for å kunne utnytte likvidane sine meir effektivt. Med dette lovforslaget møter vi dette behovet, samtidig som vi bidreg til betre styring av likviditetsrisikoen, seier finansminister Kristin Halvorsen.
Det lovforslaget Finansdepartementet fremjar i dag skal dessutan leggje til rette for eit meir effektivt tilsyn med rekneskapsførarar.
Det er føreslått nye lovreglar om likviditetskrav for bankar. Reglane skal bidra til betre styring av likviditetsrisikoen i den enkelte verksemd. Forslaget legg vidare til rette for ei meir kostnadseffektiv utnytting av tilgjengelege likvidar i bankane, noko som særleg reknast for å vere viktig for mindre og mellomstore bankar.
Autorisasjonsordninga for rekneskapsførarar har vore administrert av Kredittilsynet sidan 1999. Stortinget vedtok våren 2004 at det framleis skal vere ei offentleg autorisasjonsordning og at ordninga skal forvaltast av Kredittilsynet. No fremjar regjeringa forslag om endringar i lovreglane om autorisasjon og tilsyn med rekneskapsførarar for å effektivisere tilsynet med rekneskapsførarar og forvaltinga av autorisasjonsordninga. Forslaget er vidare ei tilpassing til endringar som har funne stad i rekneskapsførarbransjen.