Statsrekneskapen for 2005 lagt fram

Historisk arkiv

Publisert under: Regjeringen Stoltenberg II

Utgjevar: Finansdepartementet

PM 25/2006

Pressemelding | Dato: 28.04.2006 | Sist oppdatert: 05.10.2006

Pressemelding

Nr.: 25/2006
Dato: 28.04.2006
Kontaktpersonar:
Budsjett: Morten Baltzersen, telefon 22 24 43 00 / 97 78 74 86.
Makro/Statens petroleumsfond: Nina Bjerkedal, telefon 22 24 45 00 / 48 09 96 84.

Statsrekneskapen for 2005 lagt fram

Dei samla inntektene i statsrekneskapen for 2005 blei 860,8 milliardar kroner, medan utgiftene blei 650,1 milliardar kroner. Det viser stortingsmeldinga om statsrekneskapen for 2005 som vart lagt fram i dag. Netto inntekter frå oljeverksemda blei 275,5 milliardar kroner. Det oljekorrigerte underskottet blei 64,8 milliardar kroner.

Dette er 5,8 milliardar kroner mindre enn anslaget i nysalderinga i desember 2005. Stortinget vedtok då at 70,6 milliardar kroner av petroleumsinntektene skulle førast til inntekt på statsbudsjettet. Statsrekneskapen er dermed gjort opp med eit overskott på 5,8 milliardar kroner. Dette kjem mellom anna av at dei faktiske skatte- og avgiftsinntektene blei 2,6 milliardar kroner høgare.

Det strukturelle, oljekorrigerte underskottet for 2005 er berekna til 56,0 milliardar kroner. Dette inneber at meirbruken av petroleumsinntekter ut over venta realavkasting i Statens petroleumsfond var 15,5 milliardar kroner i 2005. Det strukturelle underskottet kjem fram ved at den oljekorrigerte budsjettbalansen blir korrigert for mellom anna verknaden av at konjunkturane skil seg frå det normale og for endringar i rekneskapstilhøve. Underskottet er 7,3 milliardar kroner lågare enn berekna i nysalderinga, og det strukturelle, oljekorrigerte underskottet er dermed redusert med 1,5 milliardar kroner meir enn det oljekorrigerte underskottet. Denne skilnaden må mellom anna sjåast i samanheng med nye berekningar på grunnlag av informasjon om utviklinga i norsk økonomi. Berekningane viser ei litt gunstigare utvikling i det underliggjande (strukturelle) nivået på skattane enn i dei faktiske skatteinntektene.

Rekneskapstala for Statens petroleumsfond (no omdøypt til Statens pensjonsfond - Utland) viser at netto inntekter frå oljeverksemda blei 275,5 milliardar kroner. Av desse blei 70,6 milliardar kroner ført tilbake til statskassa, slik Stortinget vedtok ved nysalderinga av 2005-budsjettet. Inkludert renteinntekter og utbytte på 36,9 milliardar kroner blei overskottet i Statens petroleumfond dermed 241,8 milliardar kroner. Det samla overskottet i statsrekneskapen og Statens petroleumsfond blei 247,6 milliardar kroner.

Bokført verdi av kapitalen i Statens petroleumsfond auka med 378,6 milliardar kroner, frå 1 011,5 milliardar kroner per 31.12.2004 til 1 390,1 milliardar kroner per 31.12.2005. I tillegg til overskottet på 241,8 milliardar kroner bidrog sal av Statoil-aksjar til å auke fondet med 12,5 milliardar kroner, medan netto kursgevinstar auka fondet med 124,3 milliardar kroner.

St.meld. nr. 3 (2005-2006) Statsrekneskapen medrekna folketrygda for 2005

Hovudtal for statsrekneskapen 2005 Tal i mill. kroner	Saldert budsjett	Nysaldert budsjett	Regnskap
1. Statsbudsjettet
Inntekter i alt	785 100	863 066	860 836
Inntekter frå petroleumsverksemda	227 677	306 072	296 991
Inntekter utan petroleumsverksemda	557 423	556 993	563 845
Utgifter i alt	654 965	650 646	650 055
Utgifter til petroleumsverksemda	23 200	23 060	21 447
Utgifter utan petroleumsverksemda	631 765	627 587	628 608
Statsbudsjettet sitt oljekorrigerte overskott	-74 342	-70 593	-64 763
+ Overført fra Statens petroleumsfond	74 342	70 593	70 593
= Statsbudsjettet sitt overskott før lånetransaksjonar	0	0	5 830

2. Statens petroleumsfond
Statsbudsjettet sin netto kontantstraum frå petroleumsverksemda blir overført til Statens petroleumsfond	204 477	283 012	275 544
– Overført til statsbudsjettet	74 342	70 593	70 593
+ Renteinntekter og utbytte i fondet	39 600	40 900	36 866
= Overskott i Statens petroleumsfond	169 735	253 319	241 817
3. Samla overskott på statsbudsjettet og Statens petroleumsfond	169 735	253 319	247 647