Rettebrev - St. meld. nr. 3 (2005-2006) Statsrekneskapen medrekna folketrygda for 2005

I St. meld. nr. 3 (2005-2006) Statsrekneskapen medrekna folketrygda for 2005 har det kome inn nokre feil. Desse er omtalte nedanfor.

Ei note med tilleggsinformasjon om staten sine rentebyteavtaler knytt til kapitalrekneskapens konto 80 Statsgjelda, har ikkje kome med i den trykte meldinga. Nota kjem i tillegg til notane til konto 80 i tabell 3.3 og 3.4 i vedlegg 3 på side 216 og 217. Nota følgjer av vedlegget.

I første setning i siste avsnittet i punkt 1.4 på side 10 er det ein trykkfeil. Kontantstraumen frå petroleumsfondet for 2005 er 275,5 mrd. kroner og ikkje 274,5 mrd. kroner. Setninga skal vere ”Netto kontantstraum frå petroleumsverksemda auka med 72,1 mrd. kroner, frå 203,4 mrd. kroner i 2004 til 275,5 mrd. kroner i 2005.”

I vedlegg 3, Tabell 3.5 Aksjeinteresser i staten per 31. desember 2005 kjem det på side 219 fram at aksjar i Birkeland Innovasjon AS blir forvalta av Universitetet i Stavanger. Det korrekte er at aksjane blir forvalta av Universitetet i Oslo. På side 220 under oppføringa av aksjar i Knudtzon Senteret AS skal samla pålydande for staten sin del vere 50.000 kroner og aksjekapitalen i selskapet skal vere 1 mill. kroner.

Med helsing
Kristin Halvorsen

Vedlegg

Note til kapitalrekneskapens konto 80, Statsgjelda

Finansdepartementet har inngått ei rekkje rentebyteavtaler i norske kroner for å justere statsgjelda si samla renteeksponering. Etter dei prinsippa som blir lagt til grunn for føringa av statsrekneskapen, vil avtalane framstå med null i kapitalrekneskapen. På grunn av endring i renteforholda vil avtalane normalt ha ein nåverdi, basert på marknadsrenter på det aktuelle tidspunktet, som avvik frå null. Under visse høve kan det vere aktuelt å avslutte desse avtalane før endeleg forfall, og staten kan då vere forplikta til å betale eller få eit beløp som svarer til denne nåverdien. Motpartane har forplikta seg til å stille trygd i form av eit kontant innskott når den samla gjelda deira under avtala overstig visse terskelverdiar.

Staten har pr. 31.12.2005 følgjande rentebyteavtaler: